DILI– Treinador ekipa Mauputar Fc, Remigio Da Silva, hahu la fiar aan katak nia ekipa Mauputar Fc atu kontinua tren pozitivu iha Liga Futsal Timor Leste priemeira divizaun epoka 2023-2024.
Mauputar Fc kontinua hatudu ninia superioridade hodi hatudu tren pozitivu hodi lidera provizoriu Liga Futsal Timor Leste primeira divizaun epoka 2023-2024
No iha jogu jornada da-6. Maibe tuir Treinador Mauputar Fc Remigio Da Silva informa, Hafoin ho feriadu ne’ebe mak naruk halo ekipa Mauputar Fc, la iha perparasaun masimu tanba kontinuasaun ba liga ne’e hamosu duvidas barak.
“Preparasaun? hau se bele dehan deit, mauputar konsege halo preparasaun maximu tuir forsa mauputar nian, tanba ita hatene katak kontinuasaun ba liga ne’e hamosu duvidas barak, maibe hanesan klubu sempre prepara deit ba kondisaun ne’ebe se akontese” dehan Remigio ba JHD via WhatsApp Tersa (07/11).
Maske nune’e Treinador explika, sira la 100% preparado maibe sufisiente atu kontinua.
Kalru sei 50 porsentu deit atu koileta pontus tolu tanba orariu derepente la iha Komunikasaun ho klubu antes.
“Se klaru liu bele husu AFTL/FFTL kona ba ida ne, hau dehan la klaru ne tamba sempre produs orario nebe derepenti, la iha sosialijasaun dahuluk ba klubu sira antes, no to domingo la klaru to orseik foin iha info klaru” dehan nia
“Tamba preparasaun la maximo hanesan hau dehan ne, tamba sa la maximo tamba la iha kejelasan husi FFTL/AFTL kona ba kontinuasaun liga nee. Ne fo efeito boot ba preparasaun klubu. kuandu preparasaun la maximo hau mos la bele fo garante atu konkista, maibe hau bele.fo garante katak jogador sira se hatudu jogo nebe diak ho esforsu 100%” Nia haktuir.
Nia afirma, jogador hotu kondisaun diak, maibe kondisaun atu ba joga mak seidauk diak tamba sira konsege para treinu semana ida ba feriado loron boot tanba la iha kejelasan ba kontinuasaun liga husi federasaun/asosiasaun.
Enkauntu dadaun ne’e Mauputar Fc iha lidera provizoriu Liga Futsal Timor Leste priemeira divizaun ho pontus 15 hosi jogu dala 5.
Enkuantu AD samoro iha pozisaun datoluk ho pontus 9 hosi jogu dala 5 manan dala tolu no derota dala rua.
JHD
